اهلاااا مجدداً
طبعاً مرت عشرة ايام بسرعة كبيرررة من بعد ماشاركت بهذا التحدي العظيم وية ناس تخبل اولاً والتحدي كان ويه نفسي ثانياً
بخلال هاي الايام درست لغة البرمجة بايثون مايقارب 4 ساعات يومياً وهو چان هذا الهدف لكن اللغة الانكليزية حفظت 10-15 كلمة تقريبا وجان الهدف 25 كل يوم
هواي شفت فيديوات عن لغة بايثون وكثير ناس يشرحون بطريقة لطيفة وجميلة لكن يالاخير لازم ابقى على كورس واحد حتة ما تتلخبط افكاري ف صرت اتابع قناة على اليوتيوب كان شرحة مبسط ومفهوم واستمريت اتابع هذا الكورس وصرت ادرس 4 ساعات كل يوم اول شي اتابع الفيديو وبعدين اجيب دفتر وقلم واكتب الشغلات الي تعلمتهة وبعد ما اكتبهن بالدفتر ارجع افتح البايثون واطبق الاشياء الي تعلمتهة بي ودائماً احاول اغير بالكود حتة افهم اكثر شنو راح يصير وينطبع بعقلي
الاشياء الي تعلمتهة لحد الآن هي اساسيات لغة البرمجة بالبداية جنت اكول انو اني هواي درست بس لحد الان ماعرف اسوي مثلاً كود يعدل الوان صورة او يسوي فد شي معين نكدر نسمي ملموس ... لكن بالاخير فهمت انو اذا ركزت بهذه الاساسيات راح اكدر ابدع واسوي اشياء جديدة من افكاري بالمستقبل لأن لما اعرف اساس و اصل الشيء وكيف تكون راح اكدر ابتكر اشياء على نفس الاساس المهم ما استعجل
اما النظام الي اتبعته مع اللغة الانكليزية هو يومياً بعد ما اكمل بايثون اكعد ساعة افتح برنامج EWA اقرى كتاب بمستوى سهل او مقال باللغة الانكليزية حتة احسن القراءة مالتي والحلو بالبرنامج بي ترجمة تلقائية ف الكلمات الي ماعرفهة اكتبهة باوراق واعلكهن كبال عيني حتة يوميه اقراهن واحفظهن مثل متشوفون بهاي الصورة
واني ممتن للاخ مرتضى وكذلك لاحمد البشير الي اتاحلنة الفرصة نعرفه بيهة
وممتن لكل شخص ايجابي بهذا العالم
وبالاخير ممتن لله سبحانه على كل شي
تعليقات
إرسال تعليق