حيااكم الله شلونكم اني الحسن قاسم من بغداد عمري 23 سنه تخرجت العام سنه 2020 من كلية الهندسة قسم الحاسبات بعد ما تخرجت من الجامعة دورت على شغل ايً كان نوع الشغل بس كون يجيبلي دخل مادّي جنت اقبل بي ف المهم اشتغلت بهواي مجالات مثلا اشتغلت بالكيبل الضوئي و بالموبايلات وبالملابس وكذلك فترة اشتغلت بصيدلية ف بالنهاية ورة ما اشتغلت كل هاي الشغلات كعدت كلت خ اجمع الشغل الي مشتغلة واسوي cv اجيت كتبت الشغلات الي مشتغلهن صح هواي مهارات صارت بالسيرة الذاتيه مالتي بس جانت المفاجأة انه ولا شغلة الهة علاقة بالثانية وكل ما اريد اقدم ع وظيفة الكة السيفي مالتي ميطابق الشروط المطلوبة ومو شي غريب لان اني ممركز وقتي ع شي واحد وانما مشتت باكثر من مجال اسف لأني طولت عليكم بقصتي هههه المهم قررت انه بعد ما اضيع وقتي باشياء متمد بعضها بصلة ولازم اختص بمجال معين وابقى اطور من نفسي بهذا المجال وبعد ما قررت هيج اول فكرة اجتي ببالي هي البرمجة لاني كنت احبهة نوعاً ما بس ما متعمق بيهة والسبب يرجع للجامعة الي هي جانت تصعب الموضوع وتدرسنا اشياء متفيدنا بحياتنا اليومية المهم تخرجت من الجامعة امتلك فقط اساسيات بسي
اهلاااً مرةً اخرى اليوم هو يوم رقم عشرون بهذا التحدي بعدني مستمر على نفس المنوال الي اعتاديت عليه وبقيت ادرس بايثون كل بحدود ال4 ساعات يومياً واخلص ما يقارب 4-3 محاضرات اما اللغة الانكليزية بقيت احفظ عدد من الكلمات غير محدود يوم 10 ويوم 20 كلمة هدفي ببداية التحدي اتعلم بايثون واحفظ 25 كلمة انكليزية باليوم تقدمي لحد هاي اللحظة عبارة معرفة الادوات والاوامر في بايثون والمستخدمة في الAI مثل الرسوم البيانة مثل هيج والدوال الرياضية الي هي مهمة بالذكاء الاصطناعي . طبعاً اساسيات البرمجة وبالخصوص لغات البرمجة التقدم الي ممكن الشخص يحققة هو يكون معرفياً يعني تكون عندة مجموعة معلومات مخزنة بعقلة ممكن انه بهذه المعلومات ميكدر يسوي فد مشروع معين فقط بهذي الاساسيات ولكن بالاستمرار ممكن بمساعدة برامج اخرى يستفاد من هذه المعمومات بشكل رهيب ويبدع بافكاره عن طريق استخدام الاشياء الي تعلمهة بالبداية . والتقدم الي حققتة بهذي الايام ممكن يكون غير ملحوظ لكن متأكد انه باستمراري بالتعلم راح اكدر ابدع بهذا المجال اما بالنسبة لللغة الانكليزية كدرت اتغلب على خوفي من التكلم وكذلك تعلمت مجموعة كبيرة من الكل