الحسن قاسم

اهلاً اسمي الحسن وهاي مدونتي الي راح اكتب بيهة عن نفسي شويه طبعا هاي صورتي من تخرجت من قسم هندسة الحاسوب   طبعا الدراسة الي درسته بالجامعة جانت متفي بالغرض بسوق العمل جانت مجرد اساسيات لبرامج واشياء ثانية , سويت خطأ بمسيرتي وهي انو ما تعلمت للبرمجة اثناء دراستي والتهيت بالشغل صح جنت اطلع فلوس بس هسة خلصت الفلوس واتخرجت من الجامعة  وبقيت بدون خبرة برمجية  حاير بزماني ما محصل فرصة عمل , فقررت من من اليوم ابدي اتعلم برمجة وراح ابلش بدراسة البايثون واتحدى نفسي كدامكم انو اتعلمه خلال 29 يوم فقط  طبعا البايثون هو لغة برمجة واختاريت هاي اللغة حتة بعد ما اتعلمها ادخل بعلم الذكاء الاصطناعي  حيث اكثرالمبرمجين يستخدمون هاي اللغة  وها بعد شغلة انو البرمجة هي باللغة الانجليزية ف بالاضافة الى لغة البايثون راح احاول اتعلم 25 كلمة انجليزية جديدة كل يوم لمدة 29 يوم وراح اشارككم تقدمي بالدراسة بالمستقبل ان شاء الله  وهاهية  في امان لله